परिचय
नमस्ते। म अशोक कुमार टेमानी। पर्सा क्षेत्र नं. २ बाट प्रतिनिधि सभा सदस्यको उम्मेदवार। म राजनीति गर्न आएको होइन, म काम गर्न आएको हुँ। ३० वर्ष उद्योग, व्यापार र व्यवस्थापन क्षेत्रमा बिताएको अनुभवलाई अब परिणाममा रूपान्तरण गर्ने समय आएको छ। मेरो विश्वास सरल छ — विकास भाषणबाट होइन, स्पष्ट योजना र परिणाम देखिने कामबाट हुन्छ। पर्सा र विशेष गरी वीरगञ्जलाई आर्थिक समृद्धिको केन्द्र बनाउने मेरो दृष्टि छ। शिक्षा र सीप विकासलाई रोजगारीसँग जोड्नु, उद्योगमैत्री वातावरण निर्माण गर्नु, डिजिटल सुशासन लागू गर्नु र पारदर्शिता सुनिश्चित गर्नु आजको आवश्यकता हो। राजनीति मेरो लक्ष्य होइन। विकास मेरो जिम्मेवारी हो।
— अशोक कुमार टेमानी
